پاکستان Pakistan کے 22 بینکوں کے 19 ہزار کارڈز کا ڈیٹا ہیک ہوا

07 نومبر 2018

pakistan 22 bank 19hazar data hack

پاکستان Pakistan کے 22 بینکوں کے 19 ہزار سے زائد ڈیبٹ اور کریڈٹ کارڈز کا ڈیٹا چوری ہو گیا ہے اور وہ ایک ڈارک ویب پر فروخت کے لیے موجود ہے۔

پاک سرٹ کی انٹیلی جنس رپورٹ کے مطابق پاکستانی بینکوں کے صارفین کے ویزہ اور ماسٹر کارڈ زایک سو ڈالر سے 160 ڈالرز تک میں فروخت ہو رہے ہیں۔

وفاقی تحقیقاتی ایجنسی (ایف آئی اے) کے ڈائریکٹر سائبر کرائمز ونگ کیپٹن (ر) شعیب کے مطابق پاکستان Pakistan میں تقریباً سارے ہی بینکوں کا ڈیٹا بیرون ملک سے ہیک کیاگیا جب کہ گزشتہ ہفتے ایک بینک کی ویب سائٹ بھی ہیک ہوئی۔

یہ کب شروع ہوا؟

اکتوبر کے وسط میں پاکستان Pakistan میں بینک صارفین کو ان کے اکاؤنٹس سے رقوم کی منتقلی کے نوٹیفکیشن موصول ہونا شروع ہوئے۔ تاہم ، بینک اسلامی کو 27 اکتوبر کی صبح 26 لاکھ روپے کی غیرمعمولی ٹرانزیکشنز کا علم ہوا اور اس نے بین الاقوامی ادائیگیوں کا سسٹم بند کر دیا۔

اس کے بعد دیگر بینکوں نے بھی سیکیورٹی الرٹ جاری کیا اور صارفین کے ڈیبٹ اور کریڈٹ کارڈز کے ذریعے ادائیگیوں کو مکمل طور پر یا جزوہ طور پر بند کر دیا یا ان کی آن لائن اور بین الاقوامی ادائیگیوں کو بلاک کر دیا۔

کون کون سے بینکوں کا ڈیٹا چوری ہوا؟

پاک سرٹ کی انٹیلی جنس رپورٹ کے مطابق 26 اکتوبر 2018 کو ڈارک ویب پر 9 ہزار ڈیبٹ کارڈز کا ڈیٹا ڈالا گیا جن میں سے اکثریت کا تعلق پاکستانی بینکوں سے تھا۔

اگرچہ ابتدائی طور پر صرف بینک اسلامی کا نام سامنے آیا مگر ڈارک ویب پر موجود ڈیٹا میں دیگر 8 پاکستانی بینکوں کے بھی ہزاروں صارفین کے کارڈز کی تفصیلات بھی شامل تھیں۔

ڈارک ویب پر پہلی مرتبہ یعنی 26 اکتوبر کو ڈالے گئے ڈیٹا کا عکس — بشکریہ پاک سرٹ

رپورٹ کے مطابق 26 تاریخ کو ڈارک ویب پر فروخت کے لیے ڈالے گئے ڈیٹا میں پاکستان Pakistan کے 9 بینکوں کے مجموعی طور پر8 ہزار 8 سو 64 ڈیبٹ کارڈز کی تفصیلات درج تھیں۔

26 اکتوبر پر ڈارک ویب پر ڈالے گئے بینکوں کے نام — بشکریہ پاک سرٹ

اس ڈیٹا میں سب سے زیادہ حبیب بینک لمیٹڈ کے 6170 کارڈز، دی بینک آف پنجاب کے 748 ، اسٹینڈرڈ چارٹرڈ بینک کے 586، بینک اسلامی کے 508، جے ایس بینک کے 355، سونیری بینک کے 333، فیصل بینک کے 120، بینک الفلاح کے 28 اور سامبا بینک کے 16 کارڈز کا ڈیٹا شامل تھا۔

ڈارک ویب پر ایک کارڈ کی قیمت کم از کم 100 ڈالرز اور زیادہ سے زیادہ 135 ڈالرز تک ہے۔

اس وقت جب پاکستان Pakistan میں سب کا خیال تھا کہ طوفان تھم چکا ہے ، ڈارک ویب پر 31 اکتوبر کو مزید 12 ہزار کارڈز کا ڈیٹا فروخت کے لیے ڈالا دیا گیا جس میں 11 ہزار کارڈز پاکستانی بینکوں کے تھے۔

31 اکتوبر کو ڈالے گئے نئے ڈیٹا میں پاکستانی بینکوں کی تعداد 21 تک جاپہنچی لیکن اس مرتبہ کے ڈیٹا میں بینک اسلامی کا نام نہیں تھا۔

دوسرے ڈیٹا میں سب سے زیادہ حبیب بینک لمیٹڈ کے 2043 کارڈز، یو بی ایل کے 1381، میزان بینک کے 1375، ایم سی بی کے 1125، بینک الفلاح کے 795، اسٹینڈرڈ چارٹرڈ بینک کے 733، عسکری بینک کے 493، بینک الحبیب لمیٹڈ کے 489، فیصل بینک کے 458، حبیب میٹروپولیٹن بینک کے 344، دبئی اسلامی بینک کے 199، سمٹ بینک کے 184، جے ایس بینک کے 163، سونیری بینک کے 162، سِلک بینک کے 146، دی بینک آف پنجاب کے 120، البرکہ بینک کے 25، سامبا بینک کے 14، این آئی بی بینک کے 8 اور کے اے ایس بی بینک کے 2 کارڈز کا ڈیٹا شامل تھا۔

رپورٹ کے مطابق 31 اکتوبر کو ڈارک ویب پر ڈالے گئے کارڈز کی قیمت 100 ڈالر سے 160 ڈالرز فی کارڈ رکھی گئی ہے۔

ڈارک ویب پر دوسرے مرتبہ ڈالے گئے ڈیٹا کا عکس— بشکریہ پاک سرٹ

بینک صارفین کی کون کون سی معلومات چوری ہوئیں؟

بینک صارفین اپنا ڈیٹا کیسے محفوظ رکھ سکتے ہیں؟

پاک سرٹ کے مطابق ہیک کیے گئے کارڈز کی تفصیلات ڈارک ویب پر دو فارمیٹ میں موجود ہیں۔ پہلے فارمیٹ میں مکمل نام، پتہ، ٹیلی فون نمبر، کارڈ نمبر، تاریخ تنسیخ اور سی وی وی 2 کی تفصیلات جو کہ آن لائن خریداری کے لیے استعمال کی جا سکتی ہیں، شامل ہیں۔

دوسرے فارمیٹ میں ہیکرز کی جانب سے ہیک کی گئی اے ٹی ایم اور دکانوں پر لگی مشینوں سے چوری کی گئی معلومات کی تفصیلات شامل ہیں۔ چوری کی گئی اس تفصیلات کے ذریعے ہیکرز نے اے ٹی ایم کارڈز کی کاپیاں (ڈپلی کیٹ) بنائیں جو کہ دنیا میں کسی بھی اے ٹی ایم مشین پر استعمال کی جا سکتی ہیں۔

پاک سرٹ کے مطابق مجموعی طور پر پاکستان Pakistan کے 22 بینکوں سے 19 ہزار 864 کارڈز کی تفصیلات ڈارک ویب پر موجود ہیں۔

ڈیٹا چوری کیسے ہوا؟

سائبر ماہرین کے مطابق پاکستان Pakistan میں لگی اے ٹی ایمز اور خریداری کی مشینوں کو ہیک کرکے معلومات چوری کی گئیں— فائل فوٹو

پاک سرٹ کی رپورٹ کے مطابق ابتدائی خیال تھا کہ بینک اسلامی کے سروز ہیک ہوئے لیکن جس پیمانے پر 22 مختلف بینکوں کے کارڈز کی تفیصلات ڈارک ویب پر موجود ہیں اس سے ثابت ہوتا ہے کہ پاکستان Pakistan میں متعدد اے ٹی ایمز ، دکانوں پر لگی مشینیوں کی ہیکنگ کی گئی۔

پاک سرٹ کے مطابق ڈارک ویب پر کارڈز کی قیمت کم ہوتی ہے مثلاً امریکا کے سٹی بینک کے کارڈ کی قیمت ڈارک ویب پر ایک ڈالر سے 35 ڈالر تک ہے مگر پاکستانی کارڈز جن سے رقم نکالنے کی حد کافی کم ہے ان کی قیمت حیران کن طور پر 100 ڈالر سے 160 ڈالر تک ہے۔

ڈائریکٹر ایف آئی اے سائبر کرائم ونگ نے پاکستانی بینکوں پر بین الاقوامی ہیکرز کے حملے کی تصدیق کرتے ہوئے کہا ہے کہ بینکوں کو خط لکھ کر اجلاس بلالیا ہے۔ ڈیٹا اور پیسے چوری ہونے کے ذمے دار کوئی اور نہیں خود بینک ہیں۔

دوسری جانب اسٹیٹ بینک نے بھی صارفین کو اپنے کارڈز کے پاس کوڈز باقاعدگی سے بدلنے اور کارڈز کے بیرون ملک سے آن لائن استعمال کو بند کرنے کی ہدایت کی ہے۔

سائبر سیکورٹی ماہرین کا خیال ہے کہ بظاہر بینکوں کے سروسز ہیک نہیں ہوئے بلکہ مقامی طور پر بینکوں کی اے ٹی ایم مشینوں، دکانوں اوراسٹورز پر لگی مشینوں میں گڑ بڑ کرکے صارفین کی معلومات چوری کی گئیں اور پھر انہیں بیرون ملک فروخت کیا گیا۔

پاک سرٹ کے سربراہ مصباح الدین نے جیو نیوز سے بات کرتے ہوئے بتایا کہ 'بظاہر ہیکرز نے یہ ڈیٹا 'اسکِمنگ ' [یعنی اے ٹی ایم مشیوں اور دکانوں پر لگی مشینوں] میں گڑبڑھ کرکے حاصل کیا ہے اسی لیے اسے ڈاک ویب پر 'اسکِمڈ ڈیٹا' کے نام سے رکھا گیا ہے۔'

مصباح کا کہنا ہے کہ ڈارک ویب پر موجود ڈیٹا فارمیٹ کے ذریعے خریدار کارڈز کی کاپی بنا کر اسے کسی بھی اسٹور یا اے ٹی ایم پر استعمال کر سکتے ہیں۔

یاد رہے کہ بینک اسلامی کے معاملے پر اسٹیٹ بینک نے اپنی رپورٹ میں کہا تھا کہ بینک اسلامی کے صارفین کے کارڈز بیرون ملک اے ٹی ایم مشینوں اور اسٹورز پر استعمال ہوئے۔

تاہم ابھی تک یہ واضح نہیں ہوا ہے کہ ہیکرز نے پاکستان Pakistan میں کہاں کہاں اے ٹی ایم یا دیگر خریداری کی مشینوں کو ہیک کیا۔

 89