جج ارشد ملک کے بیان حلفی کی کاپی مشاہدہ کو موصول

12 جولائی 2019

Arshad Malik

بیان حلفی میں کہا گیا کہ 16 سال پرانی ویڈیو دکھا کر دھمکی دی گئی، نواز شریف Nawaz Sharif نے رائے ونڈ میں تعاون پر مالا مال کرنے کا کہا۔

بیان حلفی میں کہا گیا کہ فروری 2018 میں مہر جیلانی اور ناصر جنجوعہ سے ملاقات ہوئی، ملاقات میری بطور جج احتساب عدالت تعیناتی کے کچھ عرصے بعد ہوئی، ناصر جنجوعہ نے بتایا کہ انھوں نے سفارش کر کے مجھے جج لگوایا، ناصر جنجوعہ نے اپنے ساتھ موجود شخص سے تصدیق کرائی کہ میں نے چند ہفتے قبل تعیناتی کی خبر نہیں دی، میں نے اس دعوے کے بارے میں زیادہ سوچ بچار نہیں کی۔

جج ارشد ملک نے اپنے بیان حلفی میں مزید کہا کہ 16 سال پہلے ملتان کی ایک ویڈیو مجھے دکھائی گئی، ویڈیو کے بعد کہا گیا وارن کرتے ہیں تعاون کریں، ویڈیو دکھانے کے بعد دھمکی دی گئی اور وہاں سے سلسلہ شروع ہوا، سماعت کے دوران ان کی ٹون دھمکی آمیز ہوگئی، مجھے رائے ونڈ بھی لے جایا گیا اور نواز شریف Nawaz Sharif سے ملاقات کرائی گئی، نواز شریف Nawaz Sharif نے کہا جو یہ لوگ کہہ رہے ہیں اس پر تعاون کریں، نواز شریف Nawaz Sharif نے کہا ہم آپ کو مالا مال کر دیں گے۔

بیان حلفی میں کہا گیا کہ ناصر بٹ اور ایک مزید کریکٹر مجھ سے مسلسل رابطے میں رہا، فیملی کو بھی بتایا شدید دباؤ میں ہوں اور دھمکیاں دی جا رہی ہیں، فیصلے کے بعد بھی مجھے دھمکیاں دی گئیں اور کہا گیا تعاون کریں، کہا گیا آپ ہمارے بتائے ہوئے جملے دے دیں ورنہ ویڈیو لیک کر دینگے، نواز شریف Nawaz Sharif نے براہ راست جاتی امرا میں ہر طرح کی آفرز اور تعاون مانگا، عمرہ کرنے گیا تو ان کے لوگ وہاں پہلے سے موجود تھے، عمرے کے دوران حسین نواز سے ملاقات کرائی گئی، حسین نواز نے کہا یہاں یا کسی اور ملک میں سیٹ کرا دیں گے۔

جج ارشد ملک نے اپنے بیان حلفی میں کہا سعودی عرب Saudi Arabia میں حسین نواز نے 25 اور پھر 50 کروڑ کی آفر کی، حسین نواز نے کہا سعودی عرب Saudi Arabia سے پاکستان Pakistan جانے کی ضرورت نہیں، حسین نواز نے کہا آپ یہاں یا کسی اور ملک جانا چاہتے ہیں دستاویزات بنا دینگے، ملتان کی ایک نجی محفل کی 16 سال پرانی ویڈیو معلوم نہیں کیسے حاصل کی گئی، ویڈیو لیک کرنے کی دھمکیاں دی جاتی رہیں اور کہا گیا تعاون کریں، سماعت کے دوران نواز شریف، ناصر بٹ اور دیگر نے دباؤ میں رکھا۔

بیان حلفی میں جج ارشد ملک نے کہا نواز شریف Nawaz Sharif نے بھی جاتی امرا میں پیسوں کی آفر کی اور کہا تعاون کریں، ناصر بٹ کیساتھ ملاقات میں خفیہ ریکارڈنگز کی جاتی رہیں، ناصربٹ کیساتھ دیگر لوگ بھی ہوتے تھے جو دھمکیاں دیتے تھے، کہا جاتا تھا 4،5 قتل کرچکے ہیں مزید بھی قتل کرسکتے تھے، بچوں سے متعلق بھی دھمکیاں دی جاتی تھیں، ابھی بھی مجھے بلیک میل اور دھمکیاں دیتے ہیں۔

 108