پنجاب سے 37 لیگی ارکان اسمبلی فاروڈ بلاک کیلئے تیار: شیخ رشید کا دعویٰ

06 جولائی 2019

Sheikh Rasheed ka bara elaan

شیخ رشید نے دعویٰ کیا ہے کہ پنجاب سے 37 لیگی ارکان اسمبلی فاروڈ بلاک کیلئے تیار ہیں، اعلان جلد ہوگا، سیاست میں 90 دن اہم ہیں، چیئرمین سینیٹ کے رہنے نہ رہنے سے فرق نہیں پڑے گا۔

شیخ رشید نے کہا ہے کہ چیئرمین سینیٹ کے رہنے نہ رہنے سے کوئی فرق نہیں پڑے گا، ملکی سیاست میں 90 روز بہت اہم ہیں، ن لیگ کے 37 صوبائی ارکان تیار ہیں مگر قومی کے اتنے نہیں مل رہے، پنجاب اسمبلی میں فارورڈ بلاک کیلئے 7 ارکان کم ہیں۔

وفاقی وزیر ریلوے شیخ رشید نے پریس کانفرنس سے خطاب کرتے ہوئے کہا چور سیاستدانوں نے ہتھیار نہ ڈالے تو جمہوریت کو نقصان ہوگا، میرے جیسے سیاستدانوں کے آپریشن جیل میں ہی ہو جاتے ہیں، مجھ سمیت سیاستدانوں کی بیماریاں ایسی ہیں جو جیل جا کرجاگ جاتی ہیں، میری اگلی نیوز کانفرنس سے پہلے اسحاق ڈار کو وطن واپس لایا جاسکتا ہے۔

شیخ رشید کا کہنا تھا پاکستانی سیاستدانوں کو جیل میں ہر طرح کی سہولتیں میسر ہیں، میں نے خود ساڑھے 3 سال جیل میں گزارے، جمہوریت کو خطرات چور سیاستدانوں سے ہیں، مریم نواز Maryam Nawaz کو پتہ ہے انکی سیاست ختم ہوگئی، جلسہ جلسہ کرتی ہیں، جلسہ کرنا پنگا لینے والی بات ہے، عمران خان Imran Khan کو کہا انہیں لندن جانے دیں۔

وفاقی وزیر نے مزید کہا کہ ملک کی ہر پارٹی میں آٹے، چینی کا مافیا ہے، ن لیگ کی حکومت کو 100 فیصد مریم نواز Maryam Nawaz نے مروایا، مریم نواز Maryam Nawaz کی خواہش ہے نواز شریف Nawaz Sharif مرسی بن جائیں، شہباز شریف Shehbaz Sharif کو سازش کر کے اپوزیشن لیڈر بنایا گیا، شہباز شریف Shehbaz Sharif مریم اور حمزہ کے درمیان پھنس گئے ہیں، عثمان بزدار کی کارکردگی ہم سے اچھی ہے، ٹی وی پر جو زیادہ چیخ رہا ہے اس کی باری آنے والی ہے۔

 58