حسین اصغر قرضوں پر تحقیقاتی کمیشن کے سربراہ مقرر

19 جون 2019

Hussain Asghar appointed head of Commission

اسلام آباد: (دنیا نیوز) وفاقی کابینہ نے ڈپٹی چیئرمین نیب حسین اصغر کو تحقیقاتی کمیشن کا سربراہ بنانے کی منظوری دے دی ہے۔

دنیا نیوز ذرائع کے مطابق وفاقی کابینہ نے سابق پولیس افسر حسین اصغر کو گزشتہ 10 سالوں میں لیے ئے قرضوں کی تحقیقات کیلئے بنائے گئے کمیشن کا سربراہ مقرر کر دیا گیا ہے۔

حسین اصغر اس وقت قومی احتساب بیورو (نیب) کے ڈپٹی چیئرمین کے عہدے پر تعینات ہیں۔ انہوں نے ایف آئی اے میں تعیناتی کے دوران حج کرپشن کیس کی تحقیقات کی تھی۔

وزیراعظم کے زیر صدارت ہونے والے وفاقی کابینہ کے اجلاس میں انکوائری کمیشن کی سربراہی کیلئے شعیب سڈل، حسین اصغر، ریٹائرڈ جج اور ریٹائرڈ پولیس افسر کے ناموں پر غور کیا گیا تھا۔

 29