خربوزہ فلاسفی

زیرو پوایٔنٹ - جاوید چوھدری

18 اپریل 2019

kharboza philosophy

میانوالی کے نیازی قبیلے کے کسی کسان نے عارف والا سے خربوزے خریدے‘ خربوزے میٹھے بھی تھے‘ خوشبودار بھی اور بڑے بھی‘ وہ بہت متاثر ہوا‘ اس نے دکاندار سے پوچھا ”مجھے ان خربوزوں کا بیج کہاں سے مل سکتا ہے“ دکاندار نے اسے بیجوں کی دکان پر بھجوا دیا‘ نیازی نے خربوزہ دکھایا اور اس کا بیج مانگ لیالیکن پھر اس کے ذہن میں آیا‘ مجھے کیا پتہ یہ بیج واقعی ان خربوزوں کا ہے بھی یا نہیں‘ اس نے دکاندار کو سلام کیا اور خربوزہ اٹھا کر اس کھیت کی تلاش میں نکل کھڑا ہوا جہاں سے وہ آیا تھا۔

وہ تلاش کرتا کرتا بالآخر اصل کسان تک پہنچ گیا‘ اس نے اس سے بیج خریدے‘ میانوالی آیا‘کھیت تیار کیا اوریہ بیج زمین میں بو

دئیے‘ وہ چھ ماہ زمین‘ بیلوں اور خربوزوں پر محنت کرتا رہا‘ وقت پر پانی دیا‘ وقت پر کھاد اور کیڑے مار ادویات کا چھڑکاﺅ کیا اور وقت پر خربوزے توڑے لیکن جب خربوزہ کاٹ کر کھایا تو عارف والا اور میانوالی کے خربوزے میں زمین آسمان کا فرق تھا‘ میانوالی کے خربوزے میں خوشبو تھی اور نہ مٹھاس‘ وہ پریشان ہو گیا‘ خربوزہ اٹھایا اور سیدھا عارف والاچلا گیا‘اس نے جس کسان سے بیج خریدے تھے وہ اس سے ملا‘ اس کے کھیت کا پھل توڑا‘ خربوزے کے ساتھ خربوزہ رکھا اور پھر پوچھا ”بیج ایک‘ کھوالی اور محنت ڈبل لیکن دونوں کے سائز‘ خوشبو اور مٹھاس میں فرق‘ میں وجہ پوچھنے آیا ہوں“ عارف والا کے کسان نے قہقہہ لگاکر جواب دیا ”خان صاحب پھل میں مٹھاس اور خوشبو بیج سے نہیں آتی‘ مٹی سے آتی ہے‘ عارف والا کے خربوزے عارف والا کی مٹی کی وجہ سے میٹھے اور خوشبودار ہیں‘ صرف بیج کی وجہ سے نہیں‘ یہ بیج جب بھی عارف والا کی مٹی میں لگے گا تو اس میں خوشبو بھی ہو گی اور مٹھاس بھی‘ آپ یہاں کا بیج میانوالی لے جا سکتے ہیں لیکن آپ یہاں کی مٹی ساتھ نہیںلے جا سکتے چنانچہ یہ ایشو رہے گا“۔

میں پچھلے پندرہ برسوں سے صحافت کے ساتھ ساتھ موٹی ویشن‘ سیلف ہیلپ اور پرسنیلٹی ڈویلپمنٹ کا کام بھی کررہا ہوں‘ میں جب بھی بزنس مین‘ صنعت کاروں یا کمپنی کے مالکان کے سیشن لیتا ہوں تو یہ عموماً دو شکایتیں کرتے ہیں‘ ان کی پہلی شکایت ملازمین کے بارے میں ہوتی ہے‘ یہ کہتے ہیں ہم تین چار سال لگا کر بڑی مشکل سے لوگ تیار کرتے ہیں لیکن پھر کوئی دوسری کمپنی زیادہ تنخواہ دے کر انہیں لے جاتی ہے اور دوسری شکایت ہم فلاں فلاں کمپنیوں سے فلاں فلاں ٹیم لے کر آئے۔

یہ ٹیمیں وہاں ٹھیک پرفارم کر رہی تھیں لیکن یہ لوگ جوں ہی ہمارے پاس آئے ان کی پرفارمنس ختم ہو گئی‘ یہ یہاں ڈیلیور نہیں کر پا رہے‘ کیا وجہ ہے؟ میں ان دونوں سوالوں کے جواب میں انہیں یہ خربوزہ فلاسفی سناتا ہوں اور پھر عرض کرتا ہوں‘ آپ یہ بات پلے باندھ لیں‘ آپ کے ٹرینڈ ملازمین صرف بیج ہیں‘ دوسری کمپنی آپ کے بیج لے جا سکتی ہے لیکن یہ آپ کی مٹی نہیں اور وہ مٹی آپ ہیں‘ آپ جب تک موجود ہیں‘ آپ جس بھی بیج (شخص) کو اپنے کھیت میں بو ئیں گے وہ فصل دے گا چنانچہ آپ بیجوں کے جانے پر پریشان نہ ہوں۔

آپ اصل طاقت پر توجہ دیں اور وہ اصل طاقت آپ ہیں‘ آپ نے ایک شخص ٹرینڈ کر لیا آپ مزید ہزاروں لوگ ٹرینڈ کر سکتے ہیں اور وہ ہزاروں ان جانے والوں سے زیادہ پرفارم کریں گے‘ دوسراایشو آپ دوسری کمپنیوں کے بیج چوری کر رہے ہیں‘ مٹی وہیں موجود ہے لہٰذا آپ خواہ کچھ بھی کر لیں‘ آپ زیادہ محنت کر لیں‘ زیادہ پانی‘ زیادہ کھاد اور ادویات کا زیادہ چھڑکاﺅ کر لیں لیکن آپ کے خربوزے میٹھے نہیں ہوسکیں گے‘ہم اگراس خربوزہ فلاسفی کا دائرہ مزید بڑھا لیں تو اس میں ملک بھی آ جائیں گے اور سسٹم بھی۔

آپ نے اکثر دیکھا ہوگا چھوٹے ملک بڑے ملکوں سے سی ای اوز اورسسٹم امپورٹ کرتے ہیں لیکن یہ سسٹم اور یہ سی ای اوز دوسرے ملکوں میں پرفارم نہیں کر پاتے مثلاً آپ مہاتیر محمد کے ماڈل کو لے لیں‘ یہ ماڈل آج تک صرف ملائیشیا Malaysia میں کامیاب ہوا‘ دنیا کے جس ملک نے بھی اسے کاپی کرنے کی کوشش کی اسے نقصان ہوا‘ طیب اردگان ماڈل بھی صرف ترکی‘ چینی ماڈل صرف چین‘ نیلسن مینڈیلا ماڈل صرف جنوبی افریقہ Africa اور امام خمینی انقلاب صرف ایران Iran میں کامیاب ہوا۔

یہ ماڈل دوسرے ملکوں میں پہنچ کر بری طرح ناکام بھی ہوئے اور ان ملکوں نے نقصان بھی اٹھایا‘ کیوں؟ کیونکہ یہ ماڈلز ان ملکوں کی مٹی میں پیدا ہوئے تھے اور دوسرے ملکوں نے صرف ان کے بیج امپورٹ کئے تھے اور یہ بیج وہاں پہنچ کر اگے ضرور‘ فصل بھی تیار ہوئی مگر پھل میں خوشبو اور ذائقہ نہیں تھا چنانچہ بیج بھی اہم ہوتے ہیں لیکن مٹی ان سے زیادہ اہم ہوتی ہے‘ یہ نہ ہو تو پھل میں ذائقہ اور خوشبو پیدا نہیں ہوتی۔وزیراعظم عمران خان Imran Khan نے ایک اچھا قدم اٹھایا۔

یہ 10اپریل کو لاہور گئے‘ پنجاب کی حالت دیکھی اور میاں شہباز شریف Shehbaz Sharif کی بیورو کریٹک ٹیم واپس لانے کا فیصلہ کر لیا‘ یہ فیصلہ خوش آئند ہے‘ ملک بوئنگ کے جہاز کی طرح ہوتے ہیں‘ آپ جہاز میں ساڑھے پانچ سو مسافر بٹھا کراسے آن جاب ٹرینی پائلٹ کے حوالے نہیں کر سکتے‘ ملک چلانا ایکسپرٹس کا کام ہوتا ہے اور یہ ایکسپرٹس کتنے اہم ہوتے ہیں؟ آپ مثال ملاحظہ کیجئے‘ شوکت خانم ہسپتال عمران خان Imran Khan کی دوسری بڑی اچیومنٹ تھا‘ عمران خان Imran Khan نے زندگی کے 30سال اس ہسپتال کو دیئے۔

یہ ایک کامیاب ماڈل ہے لیکن عمران خان Imran Khan دل پر ہاتھ رکھ کر جواب دیں کیا یہ عثمان بزدار کو شوکت خانم ہسپتال کا سی ای او بنا دیں گے یا یہ ہسپتال کا معاشی انتظام اسد عمر کے حوالے کر دیں گے‘ مجھے یقین ہے ان کا جواب ناں ہو گا‘ عمران خان Imran Khan نے یہ دونوں عہدے ڈاکٹر فیصل سلطان اور تسنیم بیگ (چیف فنانشل آفیسر)جیسے ماہرین کے حوالے کر رکھے ہیں‘یہ دونوں دنیا کے بہترین اداروںکے گریجویٹ ہیں لیکن آپ نے ملک کا سب سے بڑا صوبہ عثمان بزدار اور دنیا کی واحد اسلامی جوہری طاقت کی معیشت اسد عمر کے حوالے کر دی۔

اور یہ لوگ آن جاب پائلٹس کی طرح بوئنگ اڑانے لگے اور یہ حقیقت ہے دنیا میں جب بھی کسی نااہل‘ نالائق اور ناتجربہ کارشخص کو حساس کرسی پر بٹھایا جاتا ہے تو وہ کسی تجربہ کار‘ لائق اور اہل شخص کو قریب نہیں پھٹکنے دیتا اور یوں پورے سسٹم کا بھٹہ بیٹھ جاتا ہے‘ پنجاب‘ خیبرپختونخواہ اور وزارت خزانہ میں بھی یہی ہوا‘ عثمان بزدار اور محمود خان نے ناتجربہ کار‘ نالائق اور نااہل بیوروکریٹس کی ٹیم بنا لی اور یہ ٹیم دونوں صوبوں کو لے کر بیٹھ گئی جبکہ اسد عمر کی ٹیم نو ماہ میں آئی ایم ایف کا پیکج فائنل نہ کر سکی۔

یہ دن رات محنت کے باوجود ایمنسٹی کا ڈرافٹ بھی مکمل نہ کر پائی چنانچہ پرانی ایمنسٹی سکیموں کے ڈرافٹ ”کٹ پیسٹ“ کر کے نئی سکیم بنا دی گئی‘ آپ جب یہ ڈرافٹ پڑھیں گے تو آپ کو پورے پورے پیراگراف پرانے ملیں گے لیکن بہرحال عمران خان Imran Khan نے پرانی ٹیمیں واپس لانے کا فیصلہ کر کے اچھا قدم اٹھایا‘ پنجاب میں چودھری سرور کے آئی جی امجد جاوید سلیمی کو ہٹا کر میاں شہباز شریف Shehbaz Sharif کے آئی جی عارف نواز کو لگا دیا گیا‘ یہ 25جولائی2017ئسے13 جون2018ءتک آئی جی پنجاب رہے اور یہ ٹھیک پرفارم کرتے رہے۔

یوسف نسیم کھوکھر چودھری پرویز الٰہی کی سفارش پر چیف سیکرٹری بنائے گئے تھے‘ یہ بھی ہٹائے جا رہے ہیں‘ ان کی جگہ اعظم سلیمان چیف سیکرٹری بن رہے ہیں‘یہ بھی میاں شہباز شریف Shehbaz Sharif کے ٹرینڈہیں‘ میاں شہباز شریف Shehbaz Sharif کے کو آرڈی نیشن سیکرٹری عبداللہ سنبل کو سیکرٹری سروسزاینڈ جنرل ایڈمنسٹریشن لگا دیا گیا‘ نسیم صادق بھی میاں شہباز شریف Shehbaz Sharif کے بہت قریب تھے‘یہ شاندار فیلڈ آفیسر سمجھے جاتے ہیں‘ یہ فوڈ سیکرٹری بنا دیئے گئے ہیں۔

اورنج لائین پراجیکٹ کے سربراہ اور شہباز شریف Shehbaz Sharif کے فنانس سیکرٹری شوکت علی کو ایگری کلچر ریفارم کی ذمہ داری سونپ دی گئی‘ میاں شہباز شریف Shehbaz Sharif کے سیکرٹری عمل داری احمد جاوید قاضی کو سیکرٹری زراعت بنا دیا گیا‘ شہباز شریف Shehbaz Sharif کے خصوصی سیکرٹری ڈاکٹر شعیب اکبر کو وزیراعلیٰ عثمان بزدار کا سیکرٹری بنا دیا گیا‘ شہباز شریف Shehbaz Sharif کے سیکرٹری کوآرڈی نیشن ڈاکٹر راحیل احمد صدیقی کو سیکرٹری فنانس بنا دیا گیا اور میاں شہباز شریف Shehbaz Sharif کے سیکرٹری اطلاعات مومن آغا کو عثمان بزدار حکومت میں بھی سیکرٹری اطلاعات کی ذمہ داری سونپ دی گئی۔

یہ تمام لوگ میاں شہباز شریف Shehbaz Sharif کی قریبی ٹیم تھے اور میاں شہباز شریف Shehbaz Sharif ان کی وجہ سے پنجاب سپیڈ کہلاتے تھے‘ ان افسروں کی واپسی اچھا قدم ہے لیکن میاں شہباز شریف Shehbaz Sharif کے دور میں اصل کمال ڈاکٹر توقیر اور احد چیمہ نے کیا تھا‘ یہ میاں شہباز شریف Shehbaz Sharif کی پرفارمنس کی گاڑی کے اگلے ٹائر تھے ‘ یہ دونوں اس وقت بھی اپنے آپ سے اپنے پتے پوچھ رہے ہیں‘ احد چیمہ ناکردہ جرائم میں 14ماہ سے کیمپ جیل میں پڑے ہیں جبکہ ڈاکٹر توقیر کہاں ہیں کوئی نہیں جانتا‘حکومت جس دن ان کےلئے دروازے کھولے گی یہ اس دن پرفارم کرنا شروع کردے گی۔

بیوروکریٹس حکومتوں نہیں ریاستوں کے ملازم ہوتے ہیں‘یہ بڑی مشکل سے ٹرینڈ ہوتے ہیں‘ سو افسروں میں سے ایک کارآمد افسر نکلتا ہے اور آپ اگر اس کارآمد اور ٹرینڈ افسر کو سائیڈ پر کر دیں گے اور ناتجربہ کار اور نالائق کھلاڑیوں کو پچ پر کھڑا کر دیں گے تو پھرکیا نتیجہ نکلے گا؟اور وہ نتیجہ نکل رہا ہے‘ عمران خان Imran Khan نے اہل بیوروکریٹس کےلئے دروازہ کھول کر عقل مندی کا مظاہرہ کیا‘ یہ اب مہربانی فرما کر صوبائی کیپٹن بھی بدل لیں‘ یہ اناڑیوں کو جہاز کی پائلٹ سیٹ سے اٹھا دیں ورنہ عملہ جتنا بھی اچھا اور اہل ہو جائے لیکن اگر پائلٹ نالائق ہو گا تو جہاز تباہ ہو کر رہے گا۔

وزیراعظم صرف اتنا کام کر لیں یہ جس شخص کو شوکت خانم کا سی ای او نہیں بنا سکتے یہ اسے وزارت اور وزارت اعلیٰ کی کرسی پر نہ بٹھائیں‘ ملک میں واقعی تبدیلی آ جائے گی اور دوسرا آپ نے میاں شہباز شریف Shehbaz Sharif کی ٹیم لے لی‘ آپ نے اچھا کیا لیکن آپ اس ٹیم کو چلانے کےلئے شہباز شریف Shehbaz Sharif کہاں سے لائیں گے کیونکہ خربوزہ فلاسفی بہرحال حقیقت ہے اور یہ حقیقت ثابت کرتی ہے خربوزوں میں مٹھاس اور خوشبو بیجوں کی وجہ سے نہیں ہوتی مٹی کی وجہ سے ہوتی ہے اور وہ مٹی ہم مانیں یا نہ مانیں بہرحال شہباز شریف Shehbaz Sharif ہے!۔

 195