اپوزیشن دیوار سے لگ گئی‘ حکومت کی ستے خیراں

برملا - نصرت جاوید

16 اپریل 2019

oppostion deewar se lag gayi' hukoomat ki satay khairan

’’ڈیل یا ڈھیل‘‘ کی سرگوشیاں کئی ہفتے چلیں۔ دریں اثناء نواز شریف Nawaz Sharif صاحب کو خرابی صحت کی بنیاد پر چھ ہفتوں کی رہائی نصیب ہوئی۔ ان کی ضمانت ہو جانے کے بعد تاثر یہ فروغ پانے لگا کہ شہباز شریف Shehbaz Sharif کی Pragmaticتصور ہوئی حکمت عملی Deliverکرنا شروع ہو گئی ہے۔ اس حکمت عملی کی ستائش کے ساتھ ہی ساتھ ریگولر اور سوشل میڈیا پر عمران حکومت کے بارے میں مایوسی کا تاثر پھیلنا شروع ہوگیا۔ چند مبصرین نے ’’اِن ہائوس‘‘ تبدیلی کے امکانات کا ذکر شروع کردیا۔ مولانا فضل الرحمن کے تجویز کردہ دھرنے کی ممکنہ تاریخیں بھی طے ہونے لگیں۔ میڈیا میں ’’حرکت تیز تر ہے‘‘ والی گہماگہمی برپا رکھنا اس دھندے کی پیشہ وارانہ مجبوری ہے۔ کسی حکومت کے بارے میں ’’صبح گیا یا شام گیا‘‘ والا ماحول اخباری کالموں اور ٹی وی سکرینوں کو پُررونق بنا دیتا ہے۔ اس رونق سے لطف اندوز ہوتے ہوئے مگر ہم بھول جاتے ہیںکہ آصف علی زرداری کے ایوانِ صدر پہنچتے ہی 2008کی آخری سہ ماہی میں بھی ایسا ہی ماحول بن گیا تھا۔ تمام تر شوروغوغا کے باوجود آصف علی زرداری نے ایوان صدر میں پانچ سال مکمل کرتے ہوئے ایک حوالے سے گویا تاریخ بنادی۔ ان کے لگائے وزیراعظم یوسف رضا گیلانی سپریم کورٹ کے ہاتھوں نااہل ہوئے۔ پیپلز پارٹی کی حکومت نے راجہ پرویز اشرف کے ذریعے اپنی آئینی مدت مکمل کی۔نواز شریف Nawaz Sharif کی تیسری حکومت کی ’’رخصت‘‘ کا اہتمام بھی نظر بظاہر 2014کے اسلام آباد Islamabad میں عمران خان Imran Khan کی جانب سے دئیے دھرنے کے ذریعے ہوگیا تھا۔ 126دن کا دھرنا مگر اپنا ہدف حاصل نہ کرپایا۔ بعدازاں اپریل 2016کے آغاز ہی میں پانامہ پیپرز منظرعام پر آئے۔ ان کی بدولت نواز شریف Nawaz Sharif کو وزارتِ عظمیٰ سے ہٹانے اور تاحیات نااہل کروانے میں ایک سال لگا۔ ان کی نااہلی کے باوجود پاکستان Pakistan مسلم لیگ (نون) کی حکومت نے شاہد خاقان عباسی کو وزیراعظم کے منصب پر بٹھاکر آئینی مدت مکمل کی۔ ’’ڈیل یا ڈھیل‘‘ والی سرگوشیاں مجھے اس تناظر میں کبھی توقعات باندھنے کو قائل نہ کرپائیں۔ شہباز شریف Shehbaz Sharif کے Pragmaticرویے کی ’’برکات‘‘ دریافت نہ کرپایا۔گزشتہ ہفتے کے آغاز سے بلکہ اس لائن کی Limitationsعیاں ہونا شروع ہوگئی ہیں۔ منی لانڈرنگ Money laundering کی کہانیاں ہیں۔ ’’فالودے والے‘‘ کے بعد اب ’’پاپڑ بیچنے والا‘‘ ٹی وی سکرینوں کو پررونق بنارہا ہے۔ شہباز شریف Shehbaz Sharif کے دونوں فرزند ہی نہیں اہلیہ اور بیٹیاں بھی نیب کے اٹھائے سوالات کا جواب تیار کرنے میں مصروف ہیں۔ منی لانڈرنگ Money laundering سے جڑی داستانوں کا عدالتی عمل کے ذریعے منطقی انجام کیا ہونا ہے اس کے بارے میں حتمی رائے دینے کی حماقت کا ارتکاب کرنے کی جرأت سے محروم ہوں۔ سیاسی حرکیات کا طالبعلم ہوتے ہوئے البتہ یہ سوچنے کو مجبور ہوں کہ اسد عمر کے بنائے پہلے بجٹ کی تیاری کے موسم میں منی لانڈرنگ Money laundering سے جڑے قصے عمران حکومت کے بہت کام آئیں گے۔ تحریک انصاف کی قیادت ان قصوں کی بدولت اپنی Core Constituencyکو یہ سمجھانے میں کامیاب ہوگی کہ ان پر نازل ہوئی مہنگائی اور گھروں میں آئے بجلی اور سوئی گیس کے بلوں کی وجہ سے ملی اذیت کا اصل سبب گزشتہ حکومتوں کی بے رحمی اور سفاکی ہے۔ ’’باریاں لینے والے‘‘ ملکی معیشت کو مضبوط بنانے کے بجائے اپنے کاروبار کو پھیلاتے رہے۔ منی لانڈرنگ Money laundering کے ذریعے غیر ملکوں میں قیمتی جائیدادیں خریدتے رہے۔ ان کا احتساب ضروری ہے اور عمران حکومت حساب لینے پر ڈٹی ہوئی ہے۔ NROدینے کو تیار نہیں۔

نیب دفاتر اور عدالتوں میں پیش ہوتی سیاسی قیادت کے پاس اس تاثر کو رد کرنے والا ٹھوس بیانیہ موجود نہیں۔ فقط یہ اُمید لگائے بیٹھی ہے کہ حکومت اپنی ’’نااہلی‘‘ کے باعث خود بخود ’’ڈھے‘‘ جائے گی۔ اس کے بعد کیا ہوگا؟ اس کا جواب کسی کے پاس موجود نہیں۔عمران مخالف سیاسی قوتوں کی امید بھری خاموشی اسد عمر کو اپنا بجٹ تیار کرنے اور اسے قومی اسمبلی سے پاس کروانے میں بہت مدد گارثابت ہوگی۔ ماہِ رمضان ہماری ثقافت میں لوگوں کو ’’دُنیاوی‘‘ مسائل کو نظرانداز کرنے پر مجبور کرتا ہے۔ اس کے بعد عید کی تیاریاں شروع ہوجاتی ہیں۔ ’’تہواری‘‘ ماحول ایک ہفتے تک برقرار رہتا ہے۔ ملکی معیشت کی بدولت روزمرہّ زندگی میں درپیش مسائل کی شدت جولائی 2019سے محسوس ہونا شروع ہوگی۔ اس شدت کو سیاسی اعتبار سے Cashکرنے کے لئے مختلف مقدمات میں الجھی سیاسی قیادت کو حوصلہ افزاء ماحول نہیں مل پائے گا۔ عمران حکومت کے لئے فی الوقت لہٰذا ستے خیراں ہیں۔ طویل المدتی تناظر میں اگرچہ عمران حکومت کو قانونِ تقلیل افادہ کی اہمیت بھی دریافت کرنا ہوگی۔ معاملہ یقینا ’’مائنس نواز‘‘ یا ’’مائنس آصف علی زرداری‘‘ تک محدود نہیں رہا۔ پاکستان Pakistan مسلم لیگ (نون) اور پاکستان Pakistan پیپلز پارٹی اجتماعی طورپر دیوار سے لگی نظر آرہی ہیں۔ مہنگائی کی لہر جاری رہی۔ ملکی معیشت مسلسل کساد بازاری کا شکار رہی۔ بھارت India سے کشیدگی برقرار رہی۔ افغانستان Afghanistan میں امن بحالی کی کوششوں میں تیزی نظر نہ آئی تو ان سب معاملات کے لئے فقط احتساب عدالتوں میں پیش ہوتی سیاسی قیادتوں کو ذمہ دار ٹھہرانے سے عام آدمی کی تسلی نہیں ہو گی۔ وہ اپنے دلوںمیں اُبلتی پریشانیوں کے اظہار کے لئے ’’ترجمانوں‘‘ کا منتظر رہے گا۔ روایتی سیاست اس ترجمانی کے قابل نہ رہی تو فرانس کی طرح پیلی جیکٹوں والے نمودار ہو جائیں گے۔ حال ہی میں جو مناظر الجزائر اور سوڈان میں نظر آئے پاکستان Pakistan کی شاہراہوں پر بھی رونما ہو سکتے ہیں۔ ان کے تدارک کی حکمت عملی حکومتی حلقوں میں نظر نہیں آ رہی۔ فالودہ اور پاپڑ بیچنے والوں کے نام سے Money Transactionsزیادہ عرصے تک ہمارے دل بہلا نہیں پائیں گی۔

 113