اس دہشت گردی کو کیا نام دیا جائے؟

کل اور آج - عمار چوہدری

16 مارچ 2019

is dehshat gardi ko kya naam diya jaye ?

اب نیوزی لینڈ کی دو مساجد میں ہونے والی دہشت گردی کو کیا نام دیا جائے کہ مرنے والے مسلمان اور مارنے والا غیرمسلم تھا۔

سوشل میڈیا پر ایک ہی آواز آ رہی ہے کہ اگر ایسا کسی مسلمان نے کیا ہوتا تو اب تک پوری دنیا میں مسلمانوں کی شامت آ چکی ہوتی اور انہیں دہشت گرد ڈکلیئر کرکے جنگ شروع کر دی گئی ہوتی۔ لیکن یہاں پر اس واقعے کے پیچھے ایک گوراہے۔ وہ کسی نائٹ کلب کو نشانہ نہیں بناتا بلکہ مساجد میں موجود نہتے مسلمانوں کو خون میں نہلاتا ہے‘ اس کے باوجود اس کی اس حرکت کو کوئی مغربی ملک مذہبی رنگ یا نام نہیں دیتا۔ میں نے اس واقعے کے بعد ایک غیر ملکی چینل کی ویب سائٹ دیکھی جہاں پر یہ کہا جا رہا تھا کہ سوشل میڈیا صارفین اس ویڈیو کو شیئر نہ کریں اور ساتھ ہی فیس بک وغیرہ سے کہا جا رہا تھا کہ وہ یہ ویڈیو ڈیلیٹ کر دیں۔ اس کی وجہ صاف ظاہر ہے کہ اگر یہ ویڈیو جنگل کی آگ کی طرح پوری دنیا میں پھیل جاتی ہے اور ہر غیر مسلم جب یہ دیکھتا ہے کہ مسلمانوں کی عبادت گاہوں پر حملے کرکے انہیں شہید کرنے والا کوئی مسلمان نہیں بلکہ ایک غیر مسلم ہے تو پھر اس سے صرف اور صرف مسلمانوں کو دہشت گرد قرار دینے کی عالمی پالیسی کو گزند پہنچتا ہے۔ سوال یہ ہے کہ جس طرح آئے روز مسلمانوں اور مسلم تنظیموں پر طرح طرح کی پابندیاں لگائی جا رہی ہیں اور انہیں انتہا پسندی اور عسکریت پسندی سے جوڑ کر دیوار سے لگایا جا رہا ہے‘ اس طرح کے واقعات کے بعد کیامجرم ثابت ہونے والے غیر مسلموں کے خلاف بھی وہی کچھ کیا جائے گا؟ ماضی کے ایسے واقعات میں جب بھی امریکہ United States یا کسی اور ملک میں کسی نائٹ کلب یا میوزک کنسرٹ میں فائرنگ کا واقعہ ہوتا ہے اور اس کے پیچھے کوئی امریکی ہی نکلتا ہے تو اس امریکی کو دماغی مریض بنا کر پورے واقعے پر مٹی ڈال دی جاتی ہے۔ فرض کریں کہ امریکہ United States کے کسی نائٹ کلب یا کسی گرجے یا مندر پر فائرنگ کا کوئی واقعہ پیش آئے اور ملزم مسلمان ہو تو کیا اس کو بھی ذہنی مریض قرار دیا جائے گا یا پھر امریکی حکام ہڑبڑا کر اٹھیں گے اور چند ہی منٹ میں مسلمانوں کو دہشت گرد اور مذہبی اقلیتوں کا دشمن قرار دے دیں گے؟ یقینا مسلمان کو کوئی رعایت نہیں دی جائے گی۔ گزشتہ دنوں بھارتی Indian پائلٹ ابھی نندن جب پاکستانی علاقے میں گرا اور اسے ہجوم نے مارنے کی کوشش کی تو فوجی جوانوں نے اسے چھڑایا اور بحفاظت وہاں سے نکال کر لے گئے۔ سوال یہ ہے کہ اگر کوئی پاکستانی پائلٹ بھارت India میں گرا ہوتا اور وہ ہندوئوں کے نرغے میں آیا ہوتا تو کیا بھارتی Indian فوجی اسے ان سے چھڑاتے؟ وہ اس وقت تک خاموش رہتے جب تک پاکستانی پائلٹ کو شہید نہ کر دیا جاتا۔ آج بھارت India میں کیا ہو رہا ہے؟ آئے روز مسلمانوں کو طرح طرح کے بہانوں سے مارا جا رہا ہے۔ کوئی بھی ہجوم کبھی بھی کسی مسلمان پر پل پڑتا ہے اور الزام یہ لگایا جاتا ہے کہ اس نے گائے کا گوشت کھایا تھا۔ ایسی ویڈیوز انٹرنیٹ پر موجود ہیں کہ پولیس دور کھڑی تماشا دیکھتی ہے اور مسلمان طالب علموں کو بھارتی Indian طالب علم تشدد کا نشانہ بناتے ہیں۔ انہیں گھسیٹتے ہوئے سڑک پر لے جاتے ہیں اور ڈنڈے‘ لاتیں اور گھونسے مار مار کر شہید کر دیتے ہیں۔ کشمیر میں کیا ہو رہا ہے۔ ہر دوسرے روز کشمیری نوجوانوں‘ بہنوں اور بوڑھوں کو بے دردی سے شہید کیا جاتا ہے۔ وہاں انٹرنیٹ اور ٹیلی فون بھی بند کر دئیے جاتے ہیں لیکن پوری دنیا سوئی رہتی ہے۔ آج تک کسی امریکی صدر کو اس پر ایک حرف کہنے کی توفیق نہیں ہوئی۔

خدا کی پناہ‘ دو مساجد پر فائرنگ کی گئی‘ 49 افراد جاں بحق ہو گئے‘ لیکن یورپ اور امریکہ United States کی زبانیں گنگ رہیں۔ انہوں نے اس انداز میں مذمت نہیں کی جس طرح ایسے کسی سانحے میں مسلمان کے ملوث ہونے پر کی جاتی ہے۔ نیوزی لینڈ کی وزیر اعظم Prime Minister جیسنڈا آڈرن نے واقعے پر افسوس کا اظہار کرتے ہوئے کہا: جو آج ہوا سب اس کی مذمت کرتے ہیں، بہت سی معلومات ابھی سامنے نہیں لا سکتے۔ اسے اتفاق کہیں یا پھر کچھ اور کہ بنگلہ دیشی کرکٹ ٹیم کے بیشتر کھلاڑی بھی انہی مساجد میں موجود تھے۔ کپتان تمیم اقبال کے مطابق بنگلہ دیشی ٹیم کے کھلاڑیوں نے بھاگ کر جان بچائی۔ مسجد میں موجود ٹیم کے تمام کھلاڑی محفوظ رہے۔ مشفق الرحمان بھی حملے میں بال بال بچے۔ ممکن ہے دہشت گردوں نے بنگلہ دیشی ٹیم کے لئے ہی ان مساجد کو نشانہ بنایا ہو لیکن یہ کہنا قبل از وقت ہے؛ تاہم یہی واقعہ اگر پاکستان Pakistan میں ہوا ہوتا تو کیا ہوتا؟ جیسا 2009ء میں ہوا تھا جب لاہور میں سری لنکن کرکٹ ٹیم پر لبرٹی گول چکر کے قریب گولیوں اور راکٹوں سے حملہ کیا گیا اور اس میں سری لنکن ٹیم تو محفوظ رہی لیکن ایک عشرے کے لئے پاکستان Pakistan میں کرکٹ کا انتقال ہو گیا جسے بعد ازاں پی ایس ایل جیسے مقابلوں کے ذریعے زندہ کرنے کی کوشش کی گئی۔ جس طرح پاکستان Pakistan میں بین الاقوامی کرکٹ پر اس واقعے کے بعد پابندی لگائی گئی‘ لوگ پوچھتے ہیں کیا نیوزی لینڈ میں بھی کرکٹ کے میدان بھی اسی طرح ویران ہو جائیں گے؟ کیا آئی سی سی نیوزی لینڈ کو بلیک لسٹ کرے گی‘ جہاں عام لوگوں اور کرکٹروں کی جان محفوظ نہیں رہی؟ ایسا بھی پہلی مرتبہ ہوا ہے کہ دہشت گردی کرنے والے نے پورے واقعے کی لائیو کوریج کی ہو اور یہ ویڈیو چند سیکنڈ میں پوری دنیا میں پھیل گئی ہو۔ حملہ آور اس دوران ہیلمٹ پر لگے کیمرے سے ویڈیو بناتا رہا اور انٹرنیٹ پر براہ راست دکھاتا رہا۔

میرے خیال میں نیوزی لینڈ سانحہ دراصل امریکہ United States کے دہشت گردی کے ڈرامے سے متاثر ہو کر رونما کیا گیا‘ جس میں مسلمانوں کو ہمیشہ دہشت گرد اور اسلام کو انتہا پسندی سے جوڑنے کی کوششیں کی گئیں‘ لیکن تیزی سے بدلتے ہوئے حالات بتاتے ہیں کہ اسلام اور مسلمانوں کے خلاف نفرت ابھارنے والا امریکہ United States ایک روز خود بھی اسی نفرت کا نشانہ بنے گا۔ امریکہ United States میں ایک نائن الیون کیا ہوا پورے پندرہ سولہ برس سے مسلمانوں کے خلاف ہرزہ سرائی جاری ہے۔ عراق‘ افغانستان‘ شام کو بارود کے ڈھیر میں تبدیل کر کے کھنڈر بنا دیا گیا‘ پاکستان Pakistan میں اسی ہزار لوگ اور فوجی جوان شہید ہو گئے‘ مسلم ممالک کی اکانومی‘ جو پہلے ہی کمزور تھی‘ اسلام کو دہشت گردی سے جوڑنے پر مزید تباہی کا شکار ہو گئی۔ مغرب نے مسلم ممالک سے اپنا پیسہ کھینچ لیا‘ اپنے ہاں سے مسلمانوں کو ملازمتوں سے نکال دیا اور ان کی زندگی اجیرن کر دی۔ نائن الیون میں تو تین چار ہزار لوگ مرے تھے لیکن کشمیر‘ فلسطین‘ شام‘ عراق Iraq اور دیگر مسلم ممالک میں دس لاکھ سے زیادہ لوگ شہید کر دئیے گئے اور آج بھی کئے جا رہے ہیں‘ لیکن اس کے بارے میں نہ اقوام متحدہ کچھ کرنے کو تیار ہے اور نہ ہی یورپی اور مغربی ممالک۔

کم لوگوں کو معلوم ہو گا کہ 28 فروری 2019 کو امریکی ایوان نمائندگان میں امریکی سیاستدان مسٹر بینکس نے ایک قرارداد پیش کی‘ جس میں جنوبی ایشیا میں موجود مذہبی گروہوں کے انسانی حقوق اور جمہوریت کو درپیش خطرات پر تشویش کا اظہار کرتے ہوئے نہ صرف بنگلہ دیش اور پاکستان Pakistan میں جماعت اسلامی پر پابندیاں لگانے کا مطالبہ کیا گیا‘ بلکہ امریکہ United States میں موجود فلاحی تنظیمیں مثلاً اسلامک سرکل آف نارتھ امریکہ United States (ICNA)‘ ICNA ریلیف‘ ہیلپنگ ہینڈ فار ریلیف اینڈ ڈویلپمنٹ اور شمالی امریکہ United States کی مسلم اُمہ جیسی تنظیموں کو جماعت اسلامی اور اس سے منسلک ذیلی تنظیموں کے ساتھ روابط اور فنڈنگ پر پابندی کے دائرے میں لانے کی تجویز بھی دی گئی۔ یہ قرارداد منظور ہو گئی تو امریکہ United States میں اسلامی فلاحی تنظیموں پر پابندی لگ جائے گی جبکہ بنگلہ دیش اور پاکستان Pakistan میں اس مذہبی جماعت کے گرد گھیرا تنگ کرنے کی کوششیں کی جائیں گی۔ قرارداد میں بنگلہ دیش میں پیش آمدہ لرزہ خیز واقعات کا ذمہ دار جماعت اسلامی کو قرار دیا گیا اور کہا گیا ہے کہ یہ جماعت ہندو‘ بدھسٹ اور مسیحی اقلیتوں کی آزادی کے خلاف ہے۔ میرے خیال میں اس قرارداد کے پیچھے امریکی مقاصد اس کے سوا کچھ نہیں کہ مسلمانوں‘ مسلم ممالک اور مسلم تنظیموں کے گرد گھیرا مزید تنگ کیا جائے اور صرف مسلمان ہونا ہی ان کیلئے سب سے بڑا جرم بنا دیا جائے۔ گویا یہ جنگ دہشت گردی کے نہیں بلکہ مسلمانوں اور اسلام کے خلاف ہے۔ ایسی قراردادیں آگ میں ہاتھ ڈالنے کے مترادف ہیں۔ مسلمانوں کے خلاف پھیلائی گئی نفرت کی آگ سے خود امریکہ United States بھی محفوظ نہیں رہے گا کیونکہ ہاتھ سے لگائی گئی گرہیں کئی مرتبہ دانتوں سے کھولنا پڑتی ہیں۔

 149