قومی اسمبلی اور سینیٹ کے 11 اراکین کیخلاف نیب کی تحقیقات جاری

11 فروری 2019

qaumi assembly aur senate ke 11 arakeen kay khilaaf neb ki tehqiqaat jari

اسلام آباد: (دنیا نیوز) ان اراکین میں سب سے زیادہ ارکان ن لیگ کے ہیں، دوسرا نمبر پاکستان Pakistan پیپلز پارٹی جبکہ تیسرا پی ٹی آئی PTI کا ہے۔ سابق وزیراعظم راجا پرویز اشرف کو سب سے زیادہ 12 مقدمات کا سامنا ہے۔

تفصیلات کے مطابق ارکان پارلیمنٹ کے خلاف قومی احتساب بیورو (نیب) کی تحقیقات جاری ہیں، 446 ممبران پارلیمنٹ میں سے صرف 11 نشانے پر ہیں، ن لیگ اور پیپلز پارٹی کیساتھ تحریک انصاف بھی زد میں ہیں۔ نیب کی جانب سے سابق صدر آصف زرداری، بلاول بھٹو Bilawal Bhutto ، شہباز شریف، شاہد خاقان عباسی اور پرویز خٹک سمیت دیگر کو نوٹسز جاری ہو چکے ہیں۔

قومی اسمبلی میں اپوزیشن لیڈر شہباز شریف Shehbaz Sharif کو نیب نے آشیانہ سکینڈل میں جبکہ سعد رفیق کو پیراگون سکینڈل میں کرپشن الزامات پر گرفتار کیا۔ شاہد خاقان عباسی پر ایل این جی، خواجہ آصف پر منی لانڈرنگ Money laundering ، ریاض پییرزادہ پر اختیارات کے ناجائز استعمال اور مریم اورنگزیب کے خلاف اثاثہ جات کیسز پر نیب انکوائری جاری ہے۔

پیپلز پارٹی کے چیئرمین بلاول بھٹو Bilawal Bhutto اور کوچیئرمین آصف زرداری کیخلاف پارک لین انکوائری جبکہ خورشید شاہ Khursheed Shah کے خلاف اثاثہ جات کیس کی چھان بین ہو رہی ہے۔

ارکان پارلیمنٹ میں کرپشن کے سب سے زیادہ مقدمات سابق وزیراعظم راجا پرویز اشرف کے خلاف ہیں۔ سابق وزیراعظم رینٹل پاور سمیت ایک درجن مقدمات کا سامنا کر رہے ہیں۔

حکمران جماعت تحریک انصاف کے ارکان پارلیمنٹ میں کرپشن کیس صرف ایک رکن وزیر دفاع پرویز خٹک کے خلاف ہے۔ نیب خیبر پختونخوا نے ان کے خلاف ریفرنس دائر کرنے کی سفارش کر رکھی ہے۔

 83