کپاس کی صورتحال اور سوملین ڈالر کی کفایت شعاری

کٹہرا - خالد مسعود خان

11 دسمبر 2018

kapaas ki sorat e haal aur somlin dollar ki kifayat shiari

کچھ عرصہ پہلے کی بات ہے ایک ٹی وی ٹاک شو میں مَیں نے بحث کے دوران اپنے ایک دوست اخبار نویس کو کہا کہ آپ وسطی پنجاب والوں کا زراعت بنیادی مسئلہ نہیں۔ یہ ہم جنوبی پنجاب والوں کا بنیادی مسئلہ ہے۔ میرے وہ دوست مجھ سے باقاعدہ ناراض ہو گئے اور کہنے لگے: آپ یہ بات کس طرح کہہ رہے ہیں کہ زراعت ہم وسطی پنجاب والوں کا مسئلہ نہیں؟ کیا ہم پاکستانی نہیں ہیں؟ میں نے کہا برادرم آپ کے شاید میرے جملے پر پوری طرح غور نہیں کیا۔ میں نے کہا ہے کہ زراعت آپ وسطی پنجاب والوں کا بنیادی مسئلہ نہیں ہے اور میں یہ کہنے میں حق بجانب ہوں۔ آپ کے ہاں صنعت و حرفت ہے‘ کاروبار ہے اور اسی حوالے سے بے پناہ ملازمتیں ہیں۔ ہمارا تو بنیادی معاشی ڈھانچہ ہی زراعت پر کھڑا ہوا ہے۔ بچوں کی شادی کٹائی پر ہوتی ہے۔ موٹر سائیکل تو خیر اب سو روپے روزانہ کی قسط پر مل جاتا ہے‘ سوزوکی مہران سے لے کر لینڈ کروزر تک اب فصل کے کیلنڈر کے ساتھ خریدی اور بیچی جاتی ہے۔ ساری کی ساری معاشی حرکت پذیری کسی نہ کسی فصل کی کٹائی یا چنائی سے وابستہ ہے۔ ایک زمانے میں سارے سال کی پچاس فیصد سے زائد گاڑیاں کپاس کی چنائی کے فوراً بعد خریدی جاتی تھیں اور ان دنوں ہر قسم کی گاڑی مارکیٹ میں چار چھ ہزار سے لیکر پچاس ہزار روپے تک مہنگی بک جاتی تھی۔ مارکیٹوں میںچہل پہل بھی بڑھ جاتی تھی اور پلاٹوں کی خرید و فروخت میں تیزی آ جاتی تھی۔ بازار سے منڈی اور بینک سے لیکر مارکیٹ تک۔ ہر چیز میں تیزی آ جاتی تھی۔ پھر اس میں گنا بھی شامل ہو گیا۔ لیکن اب صورتحال مندے کا نقشہ پیش کر رہی ہے۔ کپاس سے لیکر گنے تک اور گندم سے لیکر چاول تک۔ کاشتکار کو مشکل کا سامنا ہے۔

کپاس کی فصل اچھی ہو جائے تو ریٹ گر جاتا ہے اور ریٹ اُس سال اچھا ملتا ہے جب فصل برباد ہو جاتی ہے۔ گنے کا حال یہ ہے کہ فصل اچھی ہو جائے تو کٹائی سے لیکر لوڈنگ تک اور مل پہنچانے سے لیکر مل میں اترنے تک ہر جگہ پر کاشتکار کے کپڑے قسط در قسط اتارے جاتے ہیں اور مل والے بھی رقم کی ادائیگی کی بجائے سی پی آر Cane Purchase Receipt ہاتھ میں پکڑا دیتے ہیں۔ کبھی چینی اٹھوا دیتے ہیں‘ کاشتکار اونے پونے خریدے گئے سستے گنے کے عوض مہنگی چینی اٹھاتا ہے‘ جسے مل کے دروازے پر مل والوں کے ایجنٹ دوبارہ سستے داموں واپس خرید کر کٹوتی در کٹوتی کی ماری ہوئی گنے کی خریداری کی رقم ہاتھ پکڑا دیتا ہے۔ یہاں کی معیشت کا بنیادی ستون زراعت ہے اور یہ پاکستان Pakistan کی واحد Business Activity ہے جس کی نہ کوئی انشورنس ہے اور نہ ہی کوئی ضمانت ہے۔ سب کچھ اللہ توکل چل رہا ہے۔ کپاس میں جنرز اور آڑھتی لوٹ لیتے ہیں۔ گنے میں مل مالکان اور ان کے ایجنٹ جیب کاٹ لیتے ہیں۔ گندم میں محکمہ خوراک اور آڑھتی باری باری ڈکیتی کرتے ہیں۔

گندم کا تو حال ہی نہ پوچھیں۔ گندم خریداری کے ٹارگٹ سے کم پیدا ہو تو بذریعہ مجسٹریٹ اور تحصیلدار ڈنڈے کے زور پر اٹھا لی جاتی تھی‘ حتیٰ کہ بعض اوقات تو کاشتکار کے گھر اس کی ذاتی ضرورت کی سال بھر کی گندم بھی زور زبردستی سے محکمہ خوراک والے اٹھا کر لے جاتے تھے اور زیادہ پیداوار ہو جائے تو اس کا والی وارث کوئی نہیں بنتا۔ آج کل یہی صورتحال ہے۔ چھوٹا زمیندار اور کسان بار دانے کے لیے ذلیل و خوار ہو کر آڑھتی کو گندم کوڑیوں کے مول فروخت کر دیتا ہے۔ سفارشی اور زور آور زمیندار تو گندم کی امدادی قیمت وصول کر لیتا ہے‘ لیکن چھوٹا زمیندار اور کاشتکار ہر سال تیرہ سو روپے من والی گندم ہزار گیارہ سو روپے فی من بیچ کر گھر کی راہ لیتا ہے کہ اسے اگلی فصل کی کاشت کے لیے بیج‘ کھاد اور ڈیزل خریدنا ہوتا ہے اور پچھلی فصل کے ادھار پر خریدی گئی انہی چیزوں کا بقایا ادا کرنا ہوتا ہے‘ لہٰذا وہ نہ اپنی فصل کو سٹور کر سکتا ہے اور نہ ہی کھیت میں کھلا چھوڑ سکتا ہے۔ مجبوراً بیچ باچ کر فارغ ہو جاتا ہے۔ بعد میں ہر چیز کا ریٹ دوبارہ مستحکم ہو جاتا ہے۔

پاکستان Pakistan کی سب سے بڑی نقد آور فصل کپاس ہے۔ ملکی زراعت سے لیکر ملکی صنعت اور برآمدات میں سب سے بڑا حصہ کپاس سے جڑا ہوا ہے۔ ملکی ٹیکسٹائل انڈسٹری اور دھاگے و کپڑے کی برآمد تک۔ سب کچھ کپاس سے منسلک ہے۔ ملکی ٹیکسٹائل انڈسٹری سے وابستہ بالواسطہ اور بلاواسطہ کروڑوں لوگوں کا روزگار وابستہ ہے۔ کاشت اور اس سے جڑی ہوئی بیج‘ کھاد اور زرعی ادویات کی مارکیٹ ‘ پینسٹھ لاکھ ایکڑ (اس سال کا اندازہ) سے وابستہ کاشتکار‘ مزارعے اور کھیت مزدور۔ کپاس کی فصل مارکیٹ میں آنے کے بعد جننگ‘ سپننگ‘ ویونگ‘ ڈائینگ‘ فنشنگ اور پھر گارمنٹس انڈسٹری۔ ان سب کا دارو مدار کپاس پر ہے۔ اور آخر میں ملکی زر مبادلہ۔ تیرہ ارب ڈالر billion dollor کا زر مبادلہ پاکستان Pakistan کی ٹیکسٹائل انڈسٹری کما کر دیتی ہے۔ یہ زر مبادلہ بلامبالغہ دوگنا ہو سکتا ہے ‘لیکن فی الوقت اس کے امکانات نظر نہیں آ رہے۔

پاکستان Pakistan میں اس سال کپاس کی متوقع پیداوار ایک کروڑ چار پانچ لاکھ گانٹھ ہے۔ گزشتہ سال یہ پیداوار ایک کروڑ سترہ لاکھ گانٹھ کے لگ بھگ تھی۔ غالباً 1992-93ء میں یہ پیداوار ایک کروڑ ستائیس لاکھ گانٹھ تھی اور 2011-12ء میں تو پاکستان Pakistan میں ایک کروڑ چالیس لاکھ گانٹھ کپاس پیدا ہوئی۔ گزشتہ کئی برس سے یہ نقد آور فصل مسلسل تنزلی کی طرف جا رہی ہے۔ ہماری ملکی ٹیکسٹائل انڈسٹری کی ضرورت ڈیڑھ کروڑ گانٹھ ہے‘ لیکن اس سال کم از کم چالیس لاکھ گانٹھ درآمد کرنا پڑے گی‘ جس پر دو ارب ڈالر billion dollor کا زرمبادلہ خرچ ہوگا۔ زرمبادلہ کا جو حال ہے اس کو سامنے رکھیں تو یہ دو ارب ڈالر billion dollor گرتی ہوئی معاشی صورتحال کی کمر پر مزید ایک ناقابل برداشت تازیانہ ہے۔

ہمارے پڑوس میں بھارت India کی کپاس کی پیداوار مسلسل بہتری کی طرف جا رہی ہے۔ گزشتہ پندرہ سال کے دوران بھارت India کی کپاس کی پیداوار ڈیڑھ کروڑ گانٹھ سے پونے چار کروڑ گانٹھ تک پہنچ چکی ہے اور بھارت India اس وقت دنیا میں سب سے زیادہ کپاس پیدا کرنے والا ملک بن چکا ہے۔ دوسرے نمبر پر چین‘ تیسرے پر امریکہ United States اور چوتھے نمبر پر پاکستان Pakistan تھا مگر لگتا ہے کہ اب برازیل ہماری جگہ لے لے گا۔ پاکستان Pakistan میں کپاس کا زیر کاشت رقبہ اسی لاکھ ایکڑ سے تقریباً پینسٹھ لاکھ ایکڑ ہو چکا ہے یعنی پندرہ لاکھ ایکڑ کی کمی ہوئی ہے اس کی وجہ ایک تو وہی گنے کی زوننگ ختم ہونا ہے اور دوسری وجہ یہ ہے کہ گزشتہ ڈیڑھ عشرے سے وائرس نے کپاس کی فصل کا بیڑہ غرق کر دیا ہے اور کپاس کی فی ایکڑ پیداوار کم ہوتے ہوتے بیس من فی ایکڑ رہ گئی ہے جبکہ بھارت India کی فی ایکڑ پیداوار اس دوران پندرہ من فی ایکڑ سے دوگنی ہو کر تیس من فی ایکڑ تک پہنچ گئی ہے۔ اگر پاکستان Pakistan میں کپاس کے بہتر بیج اور وائرس پر ریسرچ کر کے بہتری لائی جائے تو پاکستان Pakistan میں اڑھائی کروڑ گانٹھ پیدا کرنے کی امکانی صورتحال موجود ہے۔بھارت India نے پندرہ سال پہلے بین الاقوامی کمپنی مونسینٹو کے ساتھ بی ٹی کاٹن سیڈ کی ٹیکنالوجی ٹرانسفر کا معاہدہ کیا۔ یہ کپاس پر حملہ آور نقصان دہ کیڑوں سے نجات کا جدید طریقہ ہے جس میں کپاس کے بیج کو جی ایم او ٹیکنالوجی یعنی Genetically Modified Organism کے ذریعے کیڑوں کے خلاف قوت مدافعت پیدا کرنا ہے۔ مونسینٹو نے صرف سوملین ڈالر کے عوض یہ ٹیکنالوجی ہمیں دینے کی آفر کی مگر آفرین ہے ہم پر۔ ہم نے ملتان میٹرو پر انتیس ارب روپے‘ لاہور میٹرو پر تیس ارب اور اسلام آباد Islamabad میٹرو پر چوالیس ارب روپے لگا دیئے اور لاہور اورنج لائن پر تو حد ہی مکا دی اور ا س پر ایک سو پینسٹھ ارب روپے اڑا دیے (یہ رقم 104روپے فی ڈالر کے حساب سے ہے۔ جبکہ اس وقت مونسینٹو کو صرف دس ارب روپے دیکر یہ ٹیکنالوجی حاصل کی جا سکتی تھی اور ملکی کپاس کی پیداوار بڑھ کر یہ قیمت صرف ایک سال میں وصول کی جا سکتی تھی۔ صرف اس سال چالیس لاکھ کی درآمد پر دو سو اسی ارب روپے کا زرمبادلہ خرچ کرنا پڑیگا۔

حکومت کپاس پر ٹیکسٹائل انڈسٹری فی من پچاس روپے Cotton cess وصول کرتی تھی۔ ٹیکسٹائل انڈسٹری نے کہا کہ وہ پچاس کی جگہ سو روپے فی من دیں گے بشرطیکہ انہیں ریسرچ کے سارے عمل میں شریک کر لیا جائے۔ حکومت نے یہ مطالبہ مان لیا اور محض ایک سال بعد ہی شریفوں نے سارا معاملہ حکومت کے ہاتھ میں لے لیا اب صورتحال یہ ہے کہ Cotton cessکا ستانوے فیصد تنخواہوں پر اور تین فیصد ریسرچ پر خرچ ہو رہا ہے۔ سنٹرل کاٹن ریسرچ انسٹی ٹیوٹ برباد ہو گیا ہے۔ اب شنید ہے وہاں جنوبی پنجاب کا سب سیکرٹریٹ بنانے کی سکیم زیر غور ہے۔ کپاس کا اچھا بیج ایک عرصے سے خواب بن چکا ہے۔ وائرس نے رہی سہی کسر نکال دی ہے۔ زیر کاشت رقبہ اور فی ایکڑ پیداوار مسلسل کم ہو رہی ہے۔ کھاد ہر روز مہنگی ہو رہی ہے۔ بے شمار کاشتکار کپاس کی کاشت ترک کر چکے ہیں۔ آئندہ سال اس سے برا حال ہوگا۔ حکومت نے کبوتر کی طرح آنکھیں بند کر رکھی ہیں اور ریسرچ کا ہونا نہ ہونا برابر ہے۔ ہم نے بی ٹی ٹیکنالوجی سے انکار کر کے سو ملین ڈالر بچا لیے ہیں۔ شاباش ہے ایسی کفایت شعاری پر۔

 156