ایشیاء کی پرکشش خواتین کی فہرست: ماہرہ خان نے عالیہ بھٹ کو پیچھے چھوڑ دیا

06 دسمبر 2018

asia ki purkashish khawateen ki fehrist : Mahera Khan ne Alia Bhatt ko peechay chore diya

پاکستانی اداکارہ ماہرہ خان نے ایشیاء کی دلکش ترین خواتین کی فہرست مہیں بھارتی Indian اداکارہ عالیہ بھٹ کو پیچھے چھوڑ دیا۔

برطانوی میگزین 'ایسٹرن آئی' کی جانب سے حال ہی میں ایشیاء کی 50 پرکشش اور دلکش ترین خواتین کی فہرست جاری کی گئی ہے۔

اس فہرست میں ماہرہ خان چوتھے نمبر پر براجمان ہیں جبکہ عالیہ بھٹ نے چھٹے نمبر پر جگہ بنائی۔

واضح رہے کہ گزشتہ برس عالیہ چوتھے نمبر پر تھیں اور ماہرہ خان پانچویں نمبر پر موجود تھیں۔ماہرہ خان کے لیے یہ سال قابل ذکر کامیابیوں کے ساتھ اختتام پذیر ہو رہا ہے، جس میں انہوں نے کوئی ڈرامہ یا فلم تو نہیں کی، تاہم ٹی وی اشتہارات کی بدولت سب کی توجہ کا مرکز رہیں اور فلاحی کاموں میں بھی پیش پیش رہیں۔

برطانوی میگزین نے فلم اور ٹی وی کی معروف اداکارہ ماہرہ خان کو مسلسل چوتھے سال پاکستان Pakistan کی دلکش ترین خاتون قرار دیا ہے، جب کہ میگزین نے سماجی مسائل اجاگر کرنے پر دیگر پاکستانی اداکاراؤں کی بھی تعریف کی۔

اس فہرست میں پاکستان Pakistan سے صنم سعید 19ویں ، ارمینا خان 24 ویں، مہوش حیات 40 ویں جب کہ اقراء عزیز 46 ویں نمبر پر موجود ہیں۔

یہ جریدہ ہر سال ایشیاء سے تعلق رکھنے والے دلکش افراد خصوصاً شوبز اسٹارز کی فہرست شائع کرتا ہے۔

ایشیاء کی 50 دلکش ترین خواتین کی فہرست میں اداکارہ دپیکا پڈوکون سر فہرست ہیں جب کہ گزشتہ برس پریانکا پہلے نمبر پر تھیں۔اس سال پریانکا چوپڑا دوسرے، بھارتی Indian ٹی وی اداکارہ نیا شرما تیسرے جب کہ عالیہ بھٹ چھٹے نمبر پر ہیں۔

واضح رہے کہ ایسٹرن آئی کی جانب سے ایشیاء کی 50 پرکشش اور دلکش ترین خواتین کی آفیشل فہرست کل شائع ہوگی۔

 120